Поранешниот американски претседател Доналд Трамп изјави дека неговиот успех во дебатата бил засенет од катастрофалните перформанси на актуелниот американски лидер Џо Бајден.
– Фокусот беше на лошиот настап на Џо, а не на тоа колку добро поминав – напиша Доналд Трамп на својата социјална мрежа Truth Social, пренесува ТАСС.
Тој уште еднаш изјави дека поради политиката на администрацијата на Бајден, САД се „блиску до Третата светска војна“.
– Ако тоа се случи, тоа ќе биде војна за разлика од сите досега – рече Трамп.
Претседателските избори во САД ќе се одржат на 5 ноември.
Трамп веќе го доби потребниот број делегатски гласови за да биде номиниран за републикански кандидат за шеф на државата.
Бајден, кој се кандидира за втор мандат, обезбеди поддршка од доволен број делегати од Демократската партија.
