Горештините во нашиот град веќе ја најавуваат сезоната на пуштени клима уреди и ловење на викендите за бег од „пеколното“ Скопје.
Но, за познатата водителка Лила Филиповска, летото веќе е започнато и тоа на начин препознатлив за неа. Како и секоја година, таа го спои уживањето со професионалните ангажмани и повторно отпатува во топлите предели.
Од нејзиниот „Instagram“ профил можеме да сведочиме на нејзиното патување во Бодрум, од каде на своите фанови им споделува интересни моменти и им дава идеи за места доколку Турција е нивниот избор за ова лето.
Но, секако, она што најмногу привлекува внимание кога е таа во прашање, се атрактивните фотографии кои никогаш не би откриле дека водителката веќе ја гази шестата деценија. Интересен момент е додека позира на една од фотографиите, а во заднина се гледа само задникот на некоја девојка, која во моментот на фотографирањето се нурнува во големиот базен.
Неспорно е дека Лила изгледа како милион долари и е само доказ дека никогаш не треба да престанеме со грижата за себеси, како физички така и духовно.
