Манчестер Јунајтед доживеа вистински срам на гостувањето на „Селхрст парк“ и беше понижен со резутлат 4:0, пораз кој на најдобар можен начин ја пресликува најлошата сезона во историјата на клубот како е дел од Премиер лигата.
Дебаклот кај „орлите“ предизвика огромен бес и кај онака разочараните навивачите на клубот од „Олд Трафорд“, па иако Ерик Тен Хаг продолжува да тврди дека тимот е на прав пат со него, мора да се признае дека веќе никој не е заинтересиран за неговите изјави.
Цела англиска јавност е убедена дека Холанѓанецот ги брои последните денови како менаџер на англискиот великан, а од него ќе си замине како еден од најлошите тренери во историјата на клубот.
Бројките не лажат и покажуваат дека овој Јунајтед е најлошиот во историјата на Премиер лигата, бидејќи овој тим никогаш претходно не претрпел 13 порази во една натпреварувачка сезона.
Вчерашниот од Кристал Палас беше „несреќен 13-ти“, но ова е само еден од низата факти кои велат дека тимот на Тен Хаг едноставно не знае да фати крај.
Јунајтед оствари само една победа на последните седум меча во Премиер лигата, а имаа и негативна гол разлика, односно 52 дадени, а дури 55 примени гола во Прермиер лигата. Гледајќи ги сите натпреварувања, Јунајтед прими 81 гол досега, што е најлош скор на еден тим на Јунајтед од сезоната 1976/77.
Manchester United have set a club record for the most defeats in a single Premier League season.
— Squawka (@Squawka) May 6, 2024
13 is definitely unlucky for Erik ten Hag. 🙃 pic.twitter.com/5qKZp42sf3
81 - Manchester United have conceded 81 goals in all competitions this season, their most in a single campaign since 1976-77 (also 81). Torrid. pic.twitter.com/wvUtMxqIPc
— OptaJoe (@OptaJoe) May 6, 2024