Денвер го загуби и вториот меч на домашен терен од Минесота и изгледа доста лошо на стартот на полуфиналната серија на Западот, па сега „волците“ се во добра ситуација да режираат големо разочарување за актуелниот НБА шампион.
Минесота целосно го разби тимот на Мајк Мелоун на вториот меч и славеше со 80:106, а во зваршницата од мечот навивачите на Денвер го покажаа и своето најлошо лице.
Добар дел од фановите си заминаа од „Бол арената“ и престанаа да му даваат поддршка на тимот, но оние кои останаа решија да се исмеваат со своите херои.
Навивачите пееја „напред волци“ и ги бодреа гостинските кошаркари кои го полнеа кошот на нивниот тим, меѓутоа покажаа непочитување и кон Никола Јокиќ.
Како резултат на потпросечната партија која ја имаше Србинот, навивачите на Денвер решија да му фаќаат сеир и на Јокиќ, па скандираа „МВП“ во ситуација кога Едвардс изведуваше слободни фрлања.
"Let's go Wolves."
— ClutchPoints (@ClutchPoints) May 7, 2024
Fans chanting in Denver as Anthony Edwards goes for the layup 😳pic.twitter.com/pbf8L7pK3t
MVP chants for Anthony Edwards in Denver pic.twitter.com/BU1s7gM0nf
— Ben Golliver (@BenGolliver) May 7, 2024