Станува збор за сируп од ловоров лист, природно средство за смирување на надразнетото грло, има антивоспалително и антисептично дејство, а освен тоа ги прочистува дишните патишта и го зајакнува нашиот имунитет.

Ловоровиот лист често се користи во кујната како додаток на јадењата бидејќи им дава посебна арома, а етеричното масло од ловор е одлично за инхалација и дезинфекција на просторот, особено за време на сезоната на грип.

Во продолжение, еве како да подготвите лековит сируп од ловоров лист:

Потребни состојки:

- 6 сушени листови од ловор

- 1 лимон

- 3 големи лажици мед

- 3 децилитри вода

Начин на подготовка:

1. Во тенџере зовријте вода. Додајте ги ловоровите листови во врелата вода и варете 5 минути со покриен сад.

2. По 5 минути извадете ги листовите од водата. Оставете малку да се излади и додајте го медот и сок од еден лимон. Кога сирупот целосно ќе се излади, префрлете го во тегла.

Земајте по 1 мала лажица 3 пати на ден, особено при тешки напади на кашлање.