Овие појави, кои се одвиваат континуирано во женското тело, се поделени во четири фази, и тоа менструална, фоликуларна, овулаторна и лутеална.

Иако секоја од нив треба да се гледа во период од една недела, тие исто така се поделени во две групи кои траат цела недела. Бидејќи, оддека фоликуларните и овулаторните фази доаѓаат со потпора на високо ниво на енергија, другите две со себе го повлекуваат сосема спротивното.

Хормоните, исто така, играат витална улога, придонесувајќи за промените во нашето расположение и чувство на ведрина. Затоа е важно да знаете што му треба на вашето тело во текот на секоја од нив и како да му помогнете да се адаптира на овие периоди. А добрата подготовка и знаењето за намирниците кои можат да ви помогнат да го оптимизирате нивото на хормоните се некои од темелите за подобрување на вашата општа состојба.

Започнуваме со увид во пристапите и намирниците кои можат да ви помогнат за време на менструалната фаза. Често ја нарекуваме зимска фаза, а трае од првиот до седмиот ден од циклусот. Се карактеризира со ниско ниво на енергија и повикува на размислување и смирување. За време на нејзиното траење се консумира лесно сварлива храна со високи нутритивни вредности.

Фокусот е на здравите масти и протеини, па морските плодови – како што се алгите, како и морската сол, кои му помагаат на телото да ги врати минералните вредности. Корисно е да се остане приземјен, па затоа важна е и храната богата со коренест зеленчук и топлите супи. Накратко, најдобри сојузници се чорбите, а тие се и практични, бидејќи, поради некоја причина, често се послатки следниот ден.

Не заборавајте на внесувањето на следните нутриенти и елементи кои му користат на вашето тело:

Железо

Просечно, жената има менструација повеќе од петстотини пати, а со секоја менструација се губи околу 40 мл крв. Заедно со крвта се губи и железото, а доколку менструацијата е обилна, поголема е и количината. Губењето на железото предизвикува замор и слабост, тешкотии со концентрацијата, отежнато дишење … А не мораат да бидат само внатрешни.

Надворешни придружни симптоми може да бидат слаби нокти, бледило и опаѓање на косата.

Добри извори на железо вклучуваат спанаќ, леќа, немасно месо и збогатени житарки.

Омега-3

Се верува дека повисоките количини на омега-3 масни киселини помагаат во ублажување на болните периоди бидејќи имаат антиинфламаторни својства. Тие најдобро се искористуваат со консумирање масна риба како лосос или скуша. Дополнителни доби извори се семето од лен и чиа, како и оревите.

Магнезиум

Болната менструација или дисменореа е предизвикана од покачено ниво на воспалителни медијатори во слузницата на матката. Откриено е дека магнезиумот делува како нивен блокатор, а со тоа придонесува за ублажување на симптомите. Јаткастите плодови, тофуто, овесната каша и зелениот зеленчук како брокулата и грашокот се богати со магнезиум.

Витамини Б6 и Д

Додека витаминот Д е есенцијален за одржување на добра структура на коските и помага во спречување на остеопороза, витаминот Б6 помага во производството на серотонин. Јадете лиснат зеленчук, банани, наут. Покрај тоа, со витамин Б6 богати се и лососот и пилешкото.

Не заборавајте да правите барем кратки вежби за истегнување или прошетка секој ден во овој период.