Почетната цена на овој нов модел ќе биде 500 долари, што е нешто поскапо во однос на неговиот претходник „Quest 2“, но поповолно во однос на „PlayStation VR 2“.
Додека „Apple“ се подготвува да го изненади пазарот со нови VR слушалки на конференцијата „WWDC“ оваа година, Мета веќе одлучи да биде понапред од конкуренцијата. Извршниот директор на Мета, Марк Закерберг, преку својот профил на Инстаграм даде увид на долгоочекуваните слушалки за „VR Meta Quest 3“, кои се очекува официјално да бидат претставени подоцна оваа година.
Почетната цена на овој нов модел ќе биде 500 долари, што е нешто поскапо во однос на неговиот претходник „Quest 2“, но поповолно во однос на „PlayStation VR 2“.
Новиот модел „Quest 3“ доаѓа како еволуција на популарните слушалки „Quest 2“ од 2019 година. Постоењето на моделот „Quest 3“ е познато уште од минатата есен, а некои информации и детали за уредот веќе протекоа пред официјалното соопштение на Закерберг.
Паралелно со ова, „Meta“ ќе ја намали цената на слушалките „Quest 2“ на 300 долари, додека во исто време е најавено дека ќе следи големо софтверско ажурирање кое ќе ги подобри нивните перформанси.
Во однос на дизајнот, „Quest 3“ нема да донесе радикални промени во однос на „Quest 2“. Сепак, ќе донесе значителни подобрувања кога станува збор за перформансите, димензиите, тежината, како и новите контролери со хаптички функции, како и подобрувања во однос на мешаната реалност.
Значајна иновација во моделот „Quest 3“ се камерите во боја, кои ќе овозможат понапредна комбинација на видеа од реалниот свет со VR содржина прикажана на екраните на хедсетот.
Дополнително, се очекува слушалките „Quest 3“ да доаѓаат со нов „Qualcomm AR/VR“ чип за побрзи перформанси. Тековната библиотека на игри на „Quest 2“ ќе биде компатибилна со новиот уред, но надградениот хардвер се очекува да поттикне развој на понапредни игри и апликации кои на крајот ќе станат достапни исклучиво на „Quest 3“.
Изненадувачки на прв поглед, „Quest 3“ нема да има технологија за следење на очите, за разлика од поскапиот модел „Quest Pro“. Сепак, се очекува новите слушалки да донесат супериорни VR перформанси.
Со овој нов уред, „Meta“ се позиционира да ја задржи својата доминација на пазарот на VR конзоли, додека „Apple“ оди во друга насока со своите скапи и бизнис-ориентирани AR/VR очила.
