Веќе извесно време е познато дека „OpenAI“, креаторот на „ChatGPT“, работи на својот прв паметен уред. Сега на интернет се појавија и конкретни информации за овој хардвер.
„OpenAI“ планира да го користи „ChatGPT“ во многу поширок обем од досега – а патот до таа цел води преку пласирање различни уреди базирани на можностите на овој четбот.
Порталот „The Information“ откри детали за првиот таков уред. Станува збор за паметен „Bluetooth“ звучник со вградена камера.
OpenAI's first ChatGPT gadget could turn out to be a smart speaker with a camera attached https://t.co/UFeLC3I17y
— Lon Seidman (@lonseidman) February 22, 2026
Уредот ќе може да препознава различни објекти, вклучително и лица, што ќе овозможи, на пример, авторизација на пристап до звучникот или одобрување финансиски трансакции. Се очекува и низа други функции базирани на вештачка интелигенција, со широка примена на „ChatGPT“.
Постојат навестувања дека звучникот на „OpenAI“ би можел да се појави на пазарот подоцна оваа година. Сепак, нема да биде евтин – очекуваната цена ќе се движи меѓу 185 и 280 евра (нето).
