Падна и првата забрана за ChatGPT, и тоа во оваа европска земја

Точка

31/03/2023

17:59

9.968

Големина на фонт

а а а

Италијанскиот регулатор за приватност нареди забрана на ChatGPT во петокот, повикувајќи се на наводни прекршувања на приватноста.

Италијанската национална управа за заштита на податоците соопшти дека веднаш ќе ја блокира и истражи OpenAI, американската компанија која стои зад популарната алатка за вештачка интелигенција, за да не ги обработува податоците на италијанските корисници. Забраната е привремена додека компанијата не се усогласи со клучниот закон за приватност на ЕУ, односно Општата регулатива за заштита на податоците (популарниот GDPR).

Повиците да се запрат новите изданија на ChatGPT и да се истражи неговиот развивач OpenAI, поради низа ризици за приватност, сајбер безбедност и дезинформации, всушност растат на двете страни на Атлантикот.


Илон Маск и десетици експерти за вештачка интелигенција оваа недела повикаа на пауза на надградбата на ChatGPT. Здружението за заштита на потрошувачи BEUC, исто така, ги повика ЕУ и националните власти, вклучително и надзорните тела за заштита на податоците, да го истражат ChatGPT на OpenAI во четвртокот.

Италијанските власти истакнуваат дека OpenAI нема правна основа со која би го оправдала масовното собирање и складирање на лични податоци … за „обука“ на алгоритмот на ChatGPT. Тие додаваат дека OpenAI неточно ги обработува податоците.


ChatGPT исто така беше во неволја минатата недела поради повреда на податоците и откривање на разговори со корисници, истакнуваат италијанските власти. Тие исто така забележаа дека OpenAI не ја потврдува возраста на корисниците и ги изложува малолетниците на апсолутно несоодветни одговори, во споредба со нивното ниво на развој и самосвест.

OpenAI нема канцеларија во ЕУ, но нејзиниот претставник во Европската економска област има 20 дена да одговори на тоа како планира да го усогласи ChatGPT со GDPR, или ќе се соочи со парична казна до 4 отсто од својот глобален приход. Засега OpenAI не ја коментираше одлуката на италијанските власти.



Спонзорирани линкови

Маркетинг