Со новиот закон, шпанската влада го охрабрува носењето на остатокот од храната дома од рестораните, продавниците и угостителските објекти.
Дополнително, го промовира и поттикнува производството на џемови и слични производи со цел да се намали количината на залихите на храна кои се пред истекување. Сето ова има за цел да ја намали количината на храна што се фрла секоја година.
Шпанците од оваа година строго се борат со законот против фрлање храна. Според владиниот предлог, од супермаркетите, продавниците и рестораните ќе се бара да ги намалат цените на производите на кои наскоро ќе им истече рокот на траење.
Дополнително, тие ќе бидат обврзани да ги донираат и оние производи кои нема да се користат, наведува „Euronews“.
Покрај нив, истата обврска имаат и училишните ресторани, работничките и болничките мензи, доколку храната на кој било начин не се користи како зимница или како производи како џемови и слично. Крајното решение е да се претвори во сточна храна.
Баровите и рестораните во Шпанија ќе бидат принудени на своите гости да им нудат бесплатни „кучешки кеси“ за да можат да ја односат дома неизедена храна во согласност со новиот закон.
Законот, кој се очекува да стапи на сила на 1 јануари следната година, ќе бара од компаниите сега да направат планови за намалување на загубата и отпадот на храна. За фирмите кои нема да го почитуваат овој закон, предвидени се строги казни кои се движат и до неколку десетици илјади евра.
