Деновиве сите погледи се насочени кон Катар каде се одржува Светското првенство во фудбал.
На отворањето присуствувала и Моза бинт Насер, сопругата на шеикот Хамад бин Калифа Ал Тани, некогашниот катарски емир, но и мајката на сегашниот емир Тамима бин Хамад Ал Тани.
Убавата 63-годишна жена се појавила во долг, бордо фустан од сатен којшто го надополнила со иста боја на јакна и марама. Својот аутфит го „зачинила“ со светкав брош и накит, но и брендирана кожна чанта.
Моза бинт Насер по пат на социјалната мрежа Инстаграм на сите им посакала топло добредојде:
„Дојде време. Добредојдовте во Катар и среќно на сите“, напишала таа во описот на фотографијата на која е со сопругот и децата.
Сопругата на шеикот Хамад често ја нарекуваат „кралица на стилот“, а во 2015 година прогласена е за една од најдобро облечените жени на светот.
За стилот на првата дама на Катар своето го кажале и од „Vogue“ кои ја сместиле во петте најдобро облечени жени на светот. „Vanity Fair“ ја прогласи за најдобро облечена дама со сина крв.
Моза е една од ретките дами која 365 дена во годината облекува модни парчиња од висока мода, „Chanel“, „Givenchy“, „Dior“...
Нејзиното величество купува парчиња кои чинат меѓу 20 и 30 илјади долари, а специјално дизајнираната облека за неа достигнува цена и до 100.000 долари.
Одредени извори тврдат дека во нејзината резиденција се крие вистинско модно богатство.
Таа е родена во 1959 година, а нејзиниот татко бил угледен катарски бизнисмен и опозициски водач за време на владеењето на Калифа бин Хамад бин Абдулах ал Тани.
Позната е по својата работа во подрачјето на здравството и образованието, а во 1995 година ја отворила Фондацијата за образување, наука и развој на заедницата.
Исто така таа е добитничка на бројни меѓународни награди и признанија.
