Правилната исхрана и физичката активност можат да ви помогнат во здравствените тегоби доколку сакате да го држите холестеролот под контрола.
Со зголемениот холестерол се борат сѐ повеќе луѓе, но добра вест е таа што зголеменото ниво на холестерол може да се контролира со правилна исхрана.
Во прехраната потребно е да вклучите многу растителни влакна, овошје, зеленчук, житарки и мешунки, како и да го ограничите внесот на заситени масти кои го зголемуваат холестеролот.
Недостатокот на физичка активност, прекумерна тежина, лоша исхрана и пушење исто така имаат значајна улога во зголемувањето на холестеролот.
За да го намалите ризикот, постојат неколку промени во начинот на живот кои може да ги направите, како зголемени вежби и физичка активност и фокусирање на исхраната која е богата со растителни влакна и здрави незаситени масти. Освен тоа, доколку имате прекумерна тежина слабеењето може да го подобри нивото на холестерол.
Здравите опции на кои треба да се фокусирате е да вклучите намирници кои се богати со незаситени масти, како јаткасти плодови и семки, како и маслиново масло, авокадо и храна богата со омега три масни киселини, како што е кокосот.
Овие здрави масти ќе ви помогната да го заштитите срцето на многу начини, вклучуваат и намалување на високиот крвен притисок и нивото на триглицериди во крвта.
Пример за дневно мени приспособено за лица со зголемен холестерол:
1. Појадок: Овесна каша со чиа семе и бобинки
2. Ужина: Круша или една порција јаткасти плодови
3. Ручек: Вариво од грашок и леќа и зелена салата
4. Ужина: Интегрален тост со здрав путер од кикиритки и јаболко
5. Вечера: Лосос печен на маслиново масло со варена брокула