Германскиот произведувач на автомобили „Mercedes“ одлучил за три години сосема да го сопре производството на својата А класа, пишува „Handelsblat“.
Производството ќе биде прекинато од 2025-та година и ниедна варијанта на „А класа“ од тогаш повеќе нема да се произведува, јавуваат извори на весникот од концернот. Според понатамошното пишување, „Mercedes“ ќе оди и на сопирање на производството на „Б класа“.
Двата модели, како што се наведува, во компанијата се сметаат за нерентабилни. „Mercedes“ во мај најавил дека планира да се фокусира на луксузни класи, и дека сака да се продаваат повеќе „С Класа“ модели, но и „Maibach“ и „AMG“.
Кој ќе сака да купи „Mercedes“ во иднина, ќе мора да смета дека најевтините модели ќе чинат од 40.000 евра па нагоре.