Ова лето дефинитивно имаше доста интересни трансфери, а еден од најзначајните дефинитивно е преминот на Кристијано Роналдо од Јувентус во Манчестер Јунајтед.
За Португалецот ова е враќање во местото каде блесна на големата сцена, имаше супер партии и се радуваше на многу титули. Меѓутоа овој Јунајтед сега е сосема поинаков, го нема маестралниот Алекс Фергусон кој ги држеше сите работи под конец, односно токму по неговото заминување „црвените ѓаволи“ се во криза и се мачат да донесат трофеи во своите витрини.
Сега ангажманот на Роналдо треба ова да го промени, па Вејн Руни како поранешен играч на Јунајтед испрати директна порака до тренерот Оле Гунар Солскјер. Руни смета дека повеќе нема место за изговори за Солскјер кој едноставно мора да донесе резултати и титули особено ако се знае дека клубот претходног и доведе Рафаел Варан и Џејдон Санчо.
- Кристијано сe уште е еден од најдобрите играчи во светот и освојуваше титули каде и да отидеше, така што ќе биде биде многу значаен. Тој се уште сака да биде најдобар и сигурен сум дека ќе има големо влијание врз нив оваа сезона.
- Оле сигурно знае дека сега е во позиција каде треба да почне да освојува големи титули со играчите што ги донесе. За нивниот развој, да се дојде до следниот чекор сега е да се започне со освојување титули, - истакна менаџерот на Дерби Каунти.
