Наталија Јокиќ, сопругата на Никола Јокиќ, ретко споделува фотографии на социјалните мрежи, но од она што досега сме го виделе, јасно е дека стил не ѝ недостига. Нејзиниот моден израз е промислен, суптилен и секогаш со мерка.
На трибините најчесто ја гледаме во дрес на репрезентацијата на Србија и фармерки, но надвор од спортските арени, нејзиниот стил зрачи со совршенство и таканаречен „тивок луксуз“.
Посебен белег на нејзините комбинации се чантите – најчесто од престижната модна куќа „Gucci“. Мини-торбите на овој бренд се нејзин препознатлив моден потпис. Цената на моделот „Gucci Dionysus“, на пример, надминува 1.000 евра или околу 1.100 долари.
Сепак, најголемо внимание во јавноста предизвикаа нејзините папучи. Иако на Балканот ваков модел може да се најде во маркети и локални продавници за 1.250 денари, Наталија избрала класични црни кожни папучи од брендот „Jimmy Choo“, чија цена изнесува 650 евра.
Овие папучи се вистинска класика – совршено се комбинираат и со елегантни, и со лежерни комбинации. Кај нас ваков стил на обувки често се поврзува со секојдневни ситуации – прошетки низ двор, пазарење или фрлање ѓубре. Но Наталија покажува дека истата форма може да биде дел и од префинети модни изданија.
Нејзиниот избор се покажа и како еден од водечките трендови ова лето. Рамниот модел со два ремени потсетува на популарните папучи од германскиот бренд „Birkenstock“.
Иако варијантата од „Jimmy Choo“ е значително поскапа, за околу 650 евра, истиот тренд може да се копира со „Birkenstock“ модел по цена од околу 100 евра или со локални варијанти од 1.250 до 2.500 денари. Благодарение на удобното кожно лежиште, овие папучи се меѓу најпопуларните и најудобните летни обувки.
Со својот моден избор, Наталија уште еднаш покажа дека поседува суптилен вкус, чувство за естетика и одлична насоченост кон трендовите.
