Во европските градови се возат и некои по малку чудни микро автомобили, а наскоро ќе им се придружат уште вакви возила.
Ако мислевте дека „Twingo“, „Citroen C1“, „Smart ForTwo“ и слични модели се минимумот до кој може да се оди, се излажавте. Постојат помали, но и забележливо послаби, па не е изненадувачки што некои од овие автомобили можат да ги возат и 14-годишници (како што е случај во Франција).
Британскиот „WhatCar?“ одлучи да спротивстави 4 такви електрични автомобили на трка во забрзување.
Помеѓу нив е „ветеранот“ „Renault Twizzy“ кој наскоро ќе наполни 10 години на пазарот. Со помалку од 20 коњски сили, не е „снагатор“, но е значително помоќен од „Citroen Ami“ кој во Европа се нуди на наем по цена од 19,99 евра месечно.
Следува луксузно опремениот „Micro Electric“ со цена на „нормален“ автомобил и моќност од само 10 коњски сили. Конечно, тука е „REVAi“, најстариот и технолошки застарен модел со корени од почетокот на милениумот.
Погледнете го видеото:
