Поплавената метро станица и населби, но и ослабената брана по обилните дождови, невидени во 60 години, предизвикаа смрт кај најмалку 25 лица и штета од милиони евра во кинеската провинција Хенан.
Од саботата навечер до доцна во вторникот навечер во областа на градот Џенгџоу, со 10 милиони жители, измерени се 617,1 милиметри дожд, скоро еднаков на годишниот просек за областа.
„Ова се екстремно силни поплави“, рече претседателот Си Џинпинг.
First Europe, now China (Zhengzhou, to be specific).
— ian bremmer (@ianbremmer) July 20, 2021
The floods are horrifying. pic.twitter.com/d7Q1MgmpEe
Количината на дожд што падна во областа во последните три дена, била забележана само еднаш во последните илјада години, соопштија метеоролозите.
Предупредувањето доцнеше, луѓето веќе беа на пат кон работа
Водата брзо ги заглави канализациите и ги претвори патиштата во главниот град на провинцијата Хенан во порој од кал.
Државната телевизија CCTV покажа снимки од улиците потопени со каллива вода и жителите во вода до половината додека ги возат или туркаат своите возила по поплавените патишта.
1/3 Some really distressing videos coming out of Zhengzhou in central China - this driver looks rather calm under pressure. But other videos on WeChat show what appear to be people clearly struggling to keep their heads above the flood waters. Death toll so far is 1, 2 missing pic.twitter.com/P8dEk1B1iC
— Bill Birtles (@billbirtles) July 20, 2021
Другите снимки на социјалните мрежи покажуваат пешаци изненадени од хаосот, понесени од водата.
Метеоролошките служби на провинцијата Хенан и градот Џенгџоу ја подигнаа подготвеноста на службите за катастрофи на 1-ви ниво во вторникот, но поради доцното соопштение, голем број жители отидоа на работа.
Најдраматична е состојбата на метро-станицата во тој град, каде водата стигнала до рамениците на патниците, според видеата на социјалните мрежи.
„Браната може да попушти во секое време“
Синоќешните дождови предизвикаа 20-метарски пробив на браната Јихетан во градот Луојанг, западно од Џенгџоу, а браната може да попушти во секој момент, предупредуваат локалните власти.
Милиони луѓе во Џенгџоу се погодени од ефектите на невремето.
Breaking: Major flooding is occurring due to heavy rain in Zhengzhou, China. The city recorded the highest single-day rainfall on record. pic.twitter.com/hiEAWjYd78
— PM Breaking News (@PMBreakingNews) July 20, 2021
Бројни железнички линии низ провинцијата, која е главен центар на централна Кина, се сопрени. Голем број автопати се исто така затворени, а летовите или се откажани или одложени.
Дождот продолжува да паѓа
Патиштата се поплавени во десетина густо населени градови. Снимките објавени на социјалните мрежи покажуваат дека жителите од областа се држат за раце, пробивајќи се низ поплавените улици.