На израелскиот товарен брод кој пловел од Блискиот исток, се случила експлозија.
Уште не се знаат причините, што предизвикало загриженост за безбедноста на бродовите кои пловат во тој регион во екот на растот на тензиите на релација меѓу САД и Иран.
"Independent" пишува дека необјаснивата експлозија го погодила израелскиот брод додека пловел во Оманскиот залив.
1/2 Israeli owned MV HELIOS RAY suffers explosion within the Gulf of #Oman. Vessel inbound Singapore from Dammam Saudi Arabia when incident occurred 44nm NW Muscat. Owner tells Reuters damage = two holes, diameter approx 1.5m.https://t.co/ufdRoPmOcY pic.twitter.com/d5B03UwAc1
— Dryad Global (@GlobalDryad) February 26, 2021
Според соопштението на службата за поморски операции на Велика Британија, бродот и екипажот се безбедни, но принудени да одат до најблиското пристаниште во Оманскиот залив.
Иако причините за експлозијата засега се необјасниви, од поморската разузнавачка компанија "Драјд Глобал" велат дека е многу можно истата да е предизвикана од асиметрична активност на иранската војска, пренесува "Independent". Иран се уште не го прокоментирал инцидентот, известува "AP".
Explosion reported Gulf of Oman 25/02/2021 2040UTC. It is reported Helios Ray has suffered an explosion. Vessel and crew believed to be safe. Please see below images for more information view @neptune_p2p #maritimesecurity pic.twitter.com/73I2Mes6RG
— Chris Farrell (@Chrisfarrell01) February 26, 2021
Овој инцидент потсетил на летото 2019-та година, кога на истото подрачје се случиле низа напади за кои американската морнарица го обвинила Иран, што официјален Техеран демантирал.
Во меѓувреме, американскиот претседател Џозеф Бајден наредил бомбардирање на локации кои ги контролираат про-иранските сили во Сирија, во исто време обидувајќи се да ги оживее нуклеарните преговори со Иран.