Alpha Motor Corporation го претстави Ace Coupe EV кој со својот дизајн нѐ враќа во минатото.
Експанзијата на електричните автомобили влијаеше и на дизајнерите, па овие возила најчесто имаат футуристички изглед. Сепак, Alpha Motor Corporation имаат поинаква замисла, па така Ace Coupe EV е електричен автомобил чиј дизајн е инспириран од моделите од 70-тите години од минатиот век.
Освен првичните рендери, засега нема премногу детали за овој електричен автомобил со должина од 4,2 метри.
Иако автомобилот има и задна клупа, практично е двосед, затоа што задните седишта не се премногу функционални.
Дизајнот во внатрешноста е минималистички во ретро стил, а најмногу се истакнува централно поставениот екран на кој возачот ќе ги добива сите потребни информации за возилото и околината.
Повеќе технички детали за овој автомобил очекуваме наскоро, како и плановите на калифорниската компанија за негово производство.
