Италијанскиот производител на луксузни автомобили Ламборџини се приклучи во борбата против пандемијата на коронавирусот и ќе произведува заштитни маски и заштитни визири од плексиглас.
Италија и натаму е најтешко погодената европска земја од пандемијата на коронавирусот. Досега во оваа земја од Ковид-19 се заразени повеќе од 105 илјади луѓе, додека над 12 илјади починаа како последица на вирусот.
Поради кризната ситуација, италијанскиот производител на луксузни спортски автомобили Ламборџини одлучи да пренамени дел од своите погони во фабриката Сант Агата во Болоња, каде што од неодамна започнапроизводство на заштитни маски и заштитни визири од плексиглас. На тој начин, оваа компанија сака да придонесе во борбата против коронавирусот во Италија.
We have converted some departments of our factory to produce surgical masks and protective plexiglass shields in collaboration with @UniboMagazine which will be delivered to the Sant'Orsola-Malpighi Hospital in Bologna: https://t.co/9v87WPjooL#IoRestoAcasa #StayHome pic.twitter.com/FAsBbRT3c0
— Lamborghini (@Lamborghini) March 31, 2020
Производството на медицинската опрема е овозможено со помош на Универзитетот во Болоња, а произведениот материјал ќе се достави во болницата Сант Орсоло во Болоња. Планот на Ламборџини е да се произведат илјада хируршки маски и 200 заштитни маски од плексиглас.
„Во текот на кризната ситуација како оваа, чувствуваме потреба за конкретен придонес. Оваа битка ќе ја добиеме заедно давајќи им поддршка на оние кои секојдневно се на првата линија во борбата против пандемијата“, изјави Стефано Доменикали, претседател и извршен директор на Ламборџини.