Оле Гунар Солскјер жали што пушти голем дел од фудбалерите кои играа минатата сезона да си заминат без да донесе нивна замена.
Значителното смалување на ростерот на Јунајтед, сега им сеудриод глава затоа што во клубот покрај резултатската, владее и криза со повредени фудбалери.
Пол Погба кој го пропуштинатпреварот со АЗ Алкмаер нема да биде подготвен да се соочи со Њукасл на „Сент Џејмс Парк“, додека нов во листата повредени фудбалери е и Џеси Лингард кој мораше да го напушти теренот на вчерашната средба.
За дуелот овој викенд нема да се опорават Антони Марсијал, Арон Ван Бисака и Лук Шо, па јасно е дека Солскјер ќе има уште една пеколно тешка задача во составувањето на тимот кој ќе се соочи со „ранетиот“ Њукасл.
