Европските шампиони вечерва ја пречекуваат екипата на Салцбург во второто коло од Лигата на шампионите.
„Редси“ на стартот од новата сезона во најелитното европско клубско натпреварување беа поразени на гостувањето кај Наполи со 2:0, додека пак австриски Салцбург славеше против Генк со високи 6:2.
„Начинот на кој тие играат за многумина е изненадувачки, но ако некој ги познава добро, тогаш тоа веројатно сум јас. Ги следам со години, играат многу добро и тоа ќе биде многу тежок натпревар за нас. Но, како што секогаш велам, нашата главна цел е на сите да им бидеме најтешкиот ривал на светот. Доколку успееме во тоа, ниту на Салцбург нема да им биде лесно“, изјави Јирген Клоп.
Германскиот стратег на дуелот против Салцбург нема да може да смета на Жоел Матип и Џердан Шаќири поради повреда. Дуелот на „Енфилд“ е закажан во 21 часот.
