Британскиот политички естаблишмент е во хаос во очекување на Брегзит и деновите на премиерката Тереза Меј се одброени, но кралството и владата се безбедни од пропаста претскажана во легендата, откако биле родени четири гаврани во славната тврдина.
Легендата вели, потсетува "Reuters", дека кралството ќе падне, ако шест гаврани ја напуштат речиси илјада години старата тврдина, домот на кралските скапоцености и популарна туристичка атракција Тауер.
Се верува дека од владеењето на кралот Чарлс Втори во 17-тиот век на тврдината била задржана мала група на птици за да се спречи пророштвото да се оствари, а на моменталната група од седум гаврани им се приклучиле уште четири птици.
The Tower of London and the entire nation has been saved from a prophecy of doom after raven chicks were born at the landmark https://t.co/CeUmhNbRJ1
— Sky News (@SkyNews) May 17, 2019
"Многу сме задоволни што можеме да кажеме дека добивме четири нови прекрасни птици. Тоа се првите птици родени во Тауер во последните 30 години", изјавил чуварот Кристофер Скејф, задолжен за гавраните во тврдината.
"Сметаме дека би било добра идеја да видиме дали можеме само да ги одгледуваме гавраните во Тауер за да ја обезбедиме својата иднина, бидејќи легендата вели дека тврдината ќе се претвори во прав и пепел и дека голема штета ќе и му случи на кралството ако гавраните заминат", додал Скејф.
Тој објаснил дека само едно пиле ќе биде задржано во тврдината и дека ќе се вика Џорџ или Џорџина, бидејќи птиците се родени на денот на Свети Џорџ, заштитник на Англија.
Say hello to our new baby ravens at the Tower of London 👋 These four little chicks are the first to be born here in 30 years. Legend tells us that should the ravens ever leave, the Tower will fall. Now, our future is secured and Chris Skaife @ravenmaster1 is one happy Dad! pic.twitter.com/BirBqM1Oiw
— The Tower of London (@TowerOfLondon) May 17, 2019