Џорџ Мендоза, американскиот морнар од култната фотографија "Бакнеж" од 1945-та година на која ја бакнува медицинската сестра на Тајмс сквер, прославувајќи го крајот на Втората светска војна, починал на 95 години.
Мендоза починал во неделата во домот за стари лица во Мидлтон во американската сојузна држава Роуд Ајленд, каде живеел со сопругата, со која во брак минал 70 години, соопштила нивната ќерка Шерон Молеур.
Мендоза на култната фотографија ја бакнува Грета Цимер Фридман, забна техничарка, која починала во 2016-та година.
Sailor George Mendonsa, who photographed in the iconic piture "V-J Day in Times Square," died on Sunday at the age of 95. The photo of him kissing a nurse in Times Square was published in Life magazine in 1945. pic.twitter.com/ADH7zRxbAG
— Global Times (@globaltimesnews) February 19, 2019
Фотографијата ја направил славниот Алфред Ејзенштад на 14-ти август 1945-та година, на денот кога Јапонија се предала, па луѓето излегле на улиците на Њујорк да ја прослават добрата вест. Станала симбол на крајот на Втората светска војна и една од најславните фотографии на 20-тиот век.
Џорџ и Грета не се познавале. Тој за време на војната служел како морнар на уништувач и му завршувало отсуството кога било објавено дека завршила војната. За бакнежот на Тајмс сквeр зборувал кога го одликувале во 2015-та година. Рекол дека Грета го потсетила на медицинските сестри кои се грижеле за ранетите морнари.
Today the world farewelled 'The kissing sailor'...George Mendonsa, who died in his Rhode Island home, aged 95. @MarkWBurrows #9News pic.twitter.com/vmpDz9E2W9
— 9News Sydney (@9NewsSyd) February 19, 2019
Во интервју во 2005-та година, Грета рекла дека се се случило одненадеж.
"Само дојде, ме зграби и ме бакна. Тоа навистина беше прослава, ништо романтично", рекла таа.
Ејзенштад во една своја книга напишал дека тој ден трчал низ Тајмс Сквер барајќи интересен мотив.
"Ги видов и го овековечив моментот. Доколку таа имаше темна облека, никогаш не би ја направил фотографијата", напишал тој.