Обожавателите останале во шок откако сфатиле дека ликот на Ема од омилената ТВ серија "Пријатели" следната година треба да наполни 18 години.
Таа беше најмлада, но и една од најслатките членови на актерската екипа на популарната серија "Пријатели". Станува збор за ќерката на Рејчел и Рос, Ема, која всушност ја толкуваа денес 16 годишните близначки Ноел и Кали Шелдон.
Обожавателите на една од најпопуларните ТВ серии на сите времиња останале затечени со фактот дека поминало толку време од емитувањето на серијата и дека еден од најмладите ликови веќе е возрасна личност.
"Значи, ја гледав Пријатели синоќа, епизодата во која Рос снима видео за 18 роденден на Ема и во која Чендлер вели: "Здраво Ема, сега 2020. Дали веќе се разбуди од попладневниот сон?", и тогаш се сетив дека следната година ќе биде 2020. Ема следната година ќе наполни 18 години", напиша еден од обожавателите на Твитер и покрена лавина на коментари.
Неговата објава заработи повеќе од 50.000 лајкови и сите избезумиле поради фактот што поминале толку години од нивната омилена серија.
"Тоа е лудо. Воопшто не сакам да знам колку долго ќе бидам опседнат со "Пријатели". Барам нови епизоди за 18 роденден на Ема", се дел од коментарите.
Близначките Ноел и Кали кои ја глумеле Ема денес имаат 16 години, а глумеле до самиот крај на серијата во 2004 година. Тие и понатаму се занимаваат со глума, а наскоро ќе можеме да ги погледнеме во филмот "Us" .
