Доколку сакате да уживате во луксузни хотели со врвна услуга, тогаш според зборовите на експертите од "Luxury Travel Intelligence" треба да отпатувате за Малдиви. Две одморалишта на овој азиски остров се најдоа на врвот на годишната листа на најдобри хотели.
Победник е ресортот на приватниот остров Кудадо, а по него следи "Joali". Хотелот "Kudadoo" пружа "ол инклузив" услуга со 15 објекти на море, кои претставуваат навистина посебни и интимни места за одмор. За ултралускузниот "Joali" велат дека е симбол на гламурот, дизајниран за семејства. Експертите од "Luxury Travel Intelligence" посетиле 42 места оваа година, од кои за 15 изјавиле дека се извонредни, а две се оценети како разочарувачки.
Азиските хотели добро котираат - "Amanyangyun" во Шангај и "Shinta Mani Wild" во Камбоџа се најдоа во топ 5-те најдобри хотели, а Бали се истакнал со два ресорти: "Capella Ubud" на осмото место и "Como Uma Canggu" на десеттото место.
"Zuri" на Занзибар, луксузно одмаралиште кое се одликува со прекрасни плажи, е единственото котирано место на листата кога е во прашање Африка.
Претставници на американскиот континент се Мексико, чии хотели "Chable Maroma" и "Solaz" се најдоа на шестото, односно на 11-тото место.
Највисоко рангиран европски хотел е "Royal Champagne" во Франција (9-то место) кој нуди панорамски поглед и извонреден спа центар, додека Шпанија се истакнала со два: "Nobu Hotel" во Марбелa и хотелот "Gloria de Sant Jaume" на Мајорка.
Еве ја листата на 15-те луксузни хотели кои треба да ги посетите:
1. Kudadoo Private Island, Малдиви
2. Joali, Малдиви
3. Amanyangyun, Шангај
4. Shinta Mani Wild, Камбоџа
5. Zuri, Занзибар
6. Chable Maroma, Mексико
7. Rosewood Luang Prabang, Лаос
8. Capella Ubud, Бали
9. Royal Champagne, Франција
10. Como Uma Canggu, Бали
11. Solaz, Лос Кабос
12. The Murray, Хонг Конг
13. Nobu Hotel, Марбела
14. Six Senses, Фиџи
15. Hotel Gloria de Sant Jaume, Мајоркa
