Искусниот стратег Жозе Мурињо и францускиот ас Пол Погба не се во добри односи и тоа веќе трае подолго време со тоа што проблемот кулминираше минатата седмица со одлуката на Мурињо да му ја одземе капитенската лента на Погба или поточно да не му биде заменик на Антонио Валенсија.
Португалецот испрати јасна порака дека ниту еден играч не е поголем од клубот, а сериозноста на ситуацијата отиде дотаму што ,,Специјалниот” одби да се ракува со Погба на тренинг.
Според англиски ,,Сан”, близок извор до Погба, открил дека Французинот е подготвен да си оди од клубот, ако до јануари не го сменат Португалецот од тренерското место. А во случај да остане ,,Специјалниот” Погба се поврзува со трансфер во Барселона.
