Македонската фудбалска репрезентација се искачи за две позиции на најновата ранг-листа на ФИФА. Победите во Лигата на Нации, но и резултатите на конкурентите и го донесоа на Македонија 68.место на ФИФА листата.
Македонија на отворањето на Лигата на Нации забележа две идентични победи 2:0 во Андора и над Ерменија во Скопје.
На новата листа на ФИФА Белгија се искачи на првата позиција. Белгијците имаат ист број на бодови, 1729, како и Франција и со светскиот шампион го делат првото место.
Покрај Белгија и Франција во Топ 10 на листата се: Бразил, Хрватска, Уругвај, Англија, Португалија, Швајцарија, Шпанија, Данска.
Од репрезентациите од поранешна Југославија, најдобро котира Хрватска на четвртото место, па следуваат Босна и Херцеговина (34), Србија (35), Цра Гора (41), Словенија (61), Косово (138).
