Учениците рекле дека вооружениот напаѓач отворил оган во еден клас во средното училиште во Санта Фе во петокот во околу 8 часот наутро, и дека тие побегнале во паника кога ги виделе ранетите колеги, а пожарниот аларм поттикнал целосна евакуација. 

Случајот е најнов во низата смртоносни пукања во американските училишта. Случајот со 17-те убиени ученици и професори на 14. февруари во Паркленд на Флорида, повторно ја поттикнал долгогодишната расправа за поседувањето на огнено оружје.

Десетина луѓе исто така биле ранети во нападот вчера, рекол Абот на прес-конференцијата, а напаѓачот употребил сачмарка и револвер, кои ги земал од својот татко.

Немал храброст да се убие

"Не само што сакал да убива, туку сакал и да изврши самоубиство", рекол Абот, наведувајќи го полицискиот извештај од дневникот на осомничениот. "Немал храброст да изврши самоубиство".

Уште две лица се во притвор, рекол Абот. Тој не го навел името на осомничениот напаѓач и другите две лица.

Напаѓачот е идентификуван како Димитриос Пагоуртзис. Тој соработува со полицијата, на која и признал дека точно знаел кого ќе убие и дека ги поштедил "луѓето кои му се допаѓаат". Бил член на школската фудбалска екипа и одел во грчката православна црква. Пријателите го навеле како мирна личност која не правела проблеми. Сепак, на својот профил на Фејсбук објавил фотографија на која го возвишува нацизмот, а пред нападот објавил фотографија со маица на која пишува "Born To Kill".

Задржан бил во затворот Галвестон под обвинение за тешко убиство, без можност за кауција. Поради тежината на злосторството, може да биде осуден и на смртна казна.