Полицаец пука по демонстрантите, еден погоден во глава!

Точка

11/06/2013

10:41

4.382

Големина на фонт

а а а

Јавниот обвинител во Анкара ќе отвори истрага околу снимката на Јутјуб на која се гледа како еден полицаец со три куршуми пука кон демонстрантите и тешко повредува еден од нив.

На интернет се појавила нова шокантна снимка од антивладините протести во Турција, во која еден полицаец со три куршуми пука кон демонстрантите, а еден од нив погодува во глава. Јавниот обвинител во Анкара започнал и службена истрага околу видео материјалот кој го прикажува тој инцидент.

Снимката ги прикажува инцидентите во текот на минатонеделните антивладини демонстрации во Анкара и ранувањето на 27-годишниот Етем Сарисулук, кој починал како последица од повредата и станал третата жртва на протестите.



На снимката од Јутјуб се гледа како полицаецот со нога го удира демонстрантот. Во еден момент истиот полицаец извадил пиштол, истрелал три куршуми и побегнал кон своите колеги. Полицаецот покрај пиштолот со себе имал и палка, а на главата носел заштитен шлем.

Јавниот обвинител побарал од полицијата во Анкара да го идентификува полицаецот, но полицијата одбила тоа да го направи.

Сведоците изјавиле дека истиот полицаец истрелал и повеќе куршуми, што може да се слушне и види на снимката.


Спонзорирани линкови

Маркетинг