Американската актерка Ен Хатавеј стана мајка по третпат. „TMZ“ ги објави нејзините фотографии со бебето, за време на една прошетка низ улиците на Њујорк.
Ова беше нејзино прво појавување во јавноста со бебето. Хатавеј и нејзиниот сопруг Адам Шулман јавно не го објавија полот на детето ниту датумот на неговото раѓање.
Актерката ја објави својата бременост на 19 јуни со видео на Инстаграм, во кое, со песната „Baby, I'm Yours“ од Барбара Луис, го покажа својот труднички стомак.
За третата бременост зборуваше во јули во емисијата „Late Night with Seth Meyers“.
„Знаевме што правиме, но бевме шокирани што успеа“, рече таа тогаш и додаде дека ова дете го нарекуваат кош постигнат во последната секунда.
Хатавеј и Шулман се венчаа во 2012 година и имаат два сина: Џонатан, роден во март 2016 година, и Џек, кој е роден во ноември 2019 година.
Оваа година таа се појави во филмовите „The Devil Wears Prada 2“, „Mother Mary“ и „The Odyssey“.

Минатиот мај, Хатавеј даде интервју за „Elle“ за летното издание „The Epic Issue“ за 2026 година и откри ретки детали за животот со своите два сина. Актерката рече дека нејзините синови се „во навистина забавна фаза во која сите сакаме да поминуваме време заедно, иако сфаќам дека тоа може да се промени“.
„Па, ние секогаш ќе сакаме да поминуваме време со нив, но нивните чувства кон нас би можеле да се променат“, рече таа низ смеа. Поради тоа, Хатавеј сподели дека таа и Шулман се „целосно присутни во сегашниот момент“.

„Сите едноставно сме во тоа“, рече таа. „Адам и јас го впиваме секој момент. Го минувам најпрекрасното време со моето семејство, живеам во градот од моите соништа, а работата навистина, навистина оди одлично. Така што, прилично нескромно, одлично си поминувам додека сè друго гори“, продолжи Хатавеј.









