Претрес во Кавадаречко, пронајдено ловечко оружје и муниција: уапсено едно лице

Макфакс

18/11/2026

12:20

108

Големина на фонт

а а а

Во Кавадаречко е извршен претрес во домот на лице пронајдено со ловечко оружје и муниција без соодветна документација, по што лицето е уапсено и ќе се поднесува пријава.

Вчера во 09:40 часот, полициски службеници од ОВР Кавадарци го лишија од слобода Ц.Д.(51) од село Бегниште, кавадаречко.

При претрес во неговиот дом и помошни простории, извршен со наредба од Основен суд Кавадарци, биле пронајдени и одземени ловечки карабин со оптички нишан со пет куршуми, ловечки карабин со четири куршуми, ловечка пушка со пет куршуми, 14 ловечки патрони и шест куршуми без соодветна документација.

Ц.Д. бил приведен во полициска станица, известен бил јавен обвинител и по целосно документирање на настанот ќе биде поднесена соодветна пријава.