[ВИДЕО] Почетино со победа се раздели од САД: Од денеска ја почнува мисијата во Јунајтед

Точка

18/11/2026

09:20

407

Големина на фонт

а а а

САД го совладаа Хаити со 2:0 во последниот натпревар под водство на Маурисио Почетино. Аргентинецот од 18 ноември официјално ја презема функцијата во Манчестер јунајтед.

Маурисио Почетино го заврши мандатот како селектор на САД со победа од 2:0 над Хаити. Натпреварот во Синсинати се одигра на 17 ноември по локално време, односно ноќеска по македонско, непосредно пред неговиот официјален почеток во Манчестер јунајтед на 18 ноември.

Победа за збогување

Според официјалниот извештај на американската федерација, Кристијан Пулишиќ погоди со ножички во 25. минута, а Џулијан Хол го постави конечниот резултат во 43. минута. Двата гола ги асистираше Вестон Мекени.

Американците со вкупни 8:0 во двомечот се пласираа на завршницата на Лигата на нации на КОНКАКАФ. За Почетино ова беше последниот натпревар пред заминувањето во Англија.

Маурисио Почетино пред Белгија–САД, 6 јули 2026 – архивска фотографија. Фото: Bryan Berlin / WikiPortraits, CC BY-SA 4.0.

На каверот: Почетино на Австралија–САД, 19 јуни 2026 – архивска фотографија. Фото: Bryan Berlin / WikiPortraits, CC BY-SA 4.0.

Од репрезентација во клупска мисија

Манчестер јунајтед претходно потврди дека Аргентинецот ја презема функцијата од 18 ноември. Договорот со американската федерација предвидуваше тој и неговиот штаб прво да ги завршат обврските со националниот тим.

Почетино се враќа во Премиер лигата, каде што претходно ги водеше Саутемптон, Тотенхем и Челси. Со Тотенхем стигна до финалето на Лигата на шампионите во 2019 година.

Најважните моменти од последниот натпревар на Почетино со САД. Видео: U.S. Soccer.