Познатиот фудбалер уште еднаш ги „запали“ социјалните мрежи.
Поминаа две децении откако легендарниот Адријано (44) жареше и палеше на терените во Италија, но љубителите на фудбалот ширум светот и натаму го обожаваат. Особено во неговиот роден Бразил, каде што секое негово појавување во јавноста се следи со големо внимание.
Така беше и овој пат, кога славниот Император се појави на улица во родниот Рио де Жанеиро. Во шорцеви и папучи, поточно во "јапонки", без маица, со пура во раката, со „пивско“ стомаче и, секако, со омилениот реквизит – топката. Без мака жонглираше со неа со колената, со главата и со петицата, а изведе и неколку финти, покажувајќи дека магијата не исчезнала. Насобраните на улицата со воодушевување го следеа неговиот настап, а еден од најдобрите напаѓачи на сите времиња со широка насмевка уживаше во играта.
Pasan los años y Adriano no pierde la clase 🔥
Se extraña el prime del Emperador 🔝 https://t.co/8Bhl4UZMip
— ESPN.com.mx (@ESPNmx) November 11, 2026
Поранешниот ас на Фламенго, Парма и Интер веќе неколку години живее во фавелата Вила Крузеиро за да биде блиску до семејството и пријателите од детството. Ја продал луксузната вила и извесно време престојувал во хотел во елитната населба Бара да Тижука, а потоа решил да се врати таму каде што пораснал.
Напаѓачот познат по силниот удар со левата нога никогаш не криел дека смртта на татко му Алмир во 2004 година го турнала во тешка депресија и алкохолизам. Тоа се одразило и врз кариерата и врз приватниот живот, во кој доживеал и развод. Кариерата му тргнала стрмоглаво надолу, се борел со бројни психички проблеми, а во 2016 година решил дефинитивно да се повлече од професионалниот фудбал.
Потоа бројни медиуми шпекулираа дека банкротирал и дека е поврзан со дрога и криминал, но прославениот голгетер категорично ги демантираше тие тврдења. Објасни дека во фавелата го наоѓа мирот што му недостигал во Европа и дека деновите ги минува шетајќи бос низ маалото, играјќи домино на улица и дружејќи се со соседите и децата.
💔🇧🇷 Qué tremenda esta carta que escribió Adriano, sí El Emperador, a puño y letra, sobre su vida actual, la favela y el alcohol, a los 42 AÑOS:
“Sé lo que se siente ser una promesa, incluyendo una promesa incumplida. El mayor desperdicio del fútbol: yo. Me gusta esa palabra porque estoy obsesionado con desperdiciar mi vida. Estoy bien así, en un desperdicio frenético. Disfruto de este estigma.
No tomo drogas, como intentan demostrar. No me gusta el crimen, aunque podría haberlo hecho. No voy a discotecas. Siempre voy al mismo lugar de mi barrio. Bebo cada dos días, sí. Y los otros días también. Bebo porque no es fácil ser una promesa que sigue en deuda.
Me llaman Emperador. Un tipo que dejó la favela para recibir el apodo de Emperador en Europa. ¿Cómo se explica? No lo entendí hasta hoy.
Lo único que busco en Vila Cruzeiro es paz. Aquí camino descalzo y sin camiseta, sólo con pantalones cortos. Juego al dominó, me siento en el cordón de la calle, recuerdo mi infancia, escucho música, bailo con mis amigos y duermo en el suelo. Sólo quiero estar en paz y recordar mi esencia.
Veo a mi padre en cada uno de estos callejones. Por eso sigo volviendo aquí. Aquí me respetan verdaderamente. Aquí está mi historia. Vila Cruzeiro no es el mejor lugar del mundo. Vila Cruzeiro es mi lugar”.
[@TPTFootball]
— Ataque Futbolero (@AtaqueFutbolero) November 12, 2024
Бразилецот израсна во Фламенго, а во тогашното силно италијанско првенство се афирмираше во дресот на Парма. Сепак, убедливо најдобрите партии ги одигра за Интер, каде што за шест и пол години настапи на 177 натпревари, постигна 74 гола и освои осум трофеи, меѓу кои и три шампионски титули.
Подоцна настапуваше и за Сао Паоло, Рома, Коринтијанс, Атлетико Паранаенсе и Мајами Јунајтед. За бразилската репрезентација постигна 27 гола на 48 натпревари, а ги освои и Копа Америка и Купот на конфедерациите.
