На граничниот премин Делчево е уапсен 38-годишен државјанин на Романија при кој е пронајдена дрога во неговиот багаж. Лицето е задржано во полициска станица и против него ќе биде поднесена пријава по целосно документирање на случајот.
Вчера во 23:30 часот на Граничен премин Делчево, на влез во државата, полициски службеници од ГП Делчево при РЦ за ГР Исток го лишија од слобода 38-годишниот П.Л.О. од Романија.
При преглед во неговиот багаж биле пронајдени и одземени две тегли со марихуана и ЛСД.
Лицето било задржано во полициска станица, известен бил јавен обвинител и по целосно документирање на случајот против него ќе биде поднесена соодветна пријава.
