Протестите во Албанија прераснаа во хаос во парламентот кога опозицијата запали факели и покажа фотографии од повредени демонстранти. Овој настан следува по антивладини протести предводени од студенти кои бараат оставка од премиерот Еди Рама поради корупција и лоши услови во земјата.
Седницата на албанскиот парламент беше прекината откако пратениците на опозицијата запалија факели и ја блокираа говорницата на собранието. Инцидентот се случи по неколку недели антивладини протести предводени од студенти, кои бараа оставка од премиерот Еди Рама.
Пратениците на опозициската Демократска партија на Албанија го блокираа пристапот до претседателот на собранието за време на гласањето за законот за Централната банка, додека некои од нив активираа сини факели, во бојата на нивната партија, објавува Ројтерс.
Лидерот на опозицијата, Сали Бериша, остро го критикуваше владејачкото мнозинство, обвинувајќи го за насилство врз демонстрантите.
New measures restricting protests-which have gripped the country for months-have entered into force in Albania. Meanwhile, inside Parliament, the theater continued between Edi Rama’s and Sali Berisha’s factions, as both make every effort to sabotage the student protest. 🇦🇱🦩 https://t.co/NNbPmHBUtt
— Tirana Report (@Tirana_Report) October 29, 2026
„Тие се криминалци и заслужуваат солзавец, гумени куршуми, скршени глави и скршени коски, а не млади луѓе“, рече Бериша за време на неговото обраќање, по што неговиот микрофон беше исклучен.
Додека зборуваше, други пратеници на опозицијата се собраа околу него, држејќи фотографии од демонстранти повредени за време на судирите со полицијата. На некои фотографии се гледаа млади луѓе кои, според опозицијата, биле повредени од гумени куршуми, пренесува медиумот.
PM Rama has warned of draconian legal changes to crack down on protests in Albania 🚨He announced that anyone who refuses to disperse after police orders will face fines up to €5,000. Rama aims to ban protests outside his office, introducing gathering restrictions of up to 72/h. https://t.co/qKaHfu5BBn
— Tirana Report (@Tirana_Report) October 25, 2026
Бранот антитладини демонстрации започна кон средината на октомври во Тирана, а набрзо се прошири и во другите албански градови.
Протестите ги предводат студенти незадоволни од наводната корупција во државните институции, недостатокот на работни места и лошата состојба на образованието.
Демонстрантите бараат оставка од премиерот Еди Рама, кој е на власт од 2013 година, а минатата година го доби својот четврти мандат.
Во текот на претходните недели, протестите во неколку наврати се претворија во насилни судири со полицијата. Демонстрантите палеа владини згради и банки, кршеа излози и ги рушеа тротоарите за да фрлаат камења кон полицајците.
Немирите следеа по месеци претежно мирни протести против изградбата на луксузен комплекс на албанскиот брег, зад кој стои Џаред Кушнер, зет на американскиот претседател Доналд Трамп.
Според Ројтерс, сегашните протести претставуваат најголем предизвик за Рама откако дојде на власт.
Во обид да го запре насилството, албанскиот премиер во неделата претстави нови мерки против учесниците во насилните демонстрации.
Една од нив предвидува казна од 500.000 леки, или околу 6.200 долари, за секој што ќе учествува во протест што ќе се претвори во насилство, дури и ако тоа лице не учествувало директно во насилни инциденти.
