Ураганскиот циклон „Арнаб“ го зафати источниот брег на Индија, предизвикувајќи силни ветрови, обилни дождови и прекин на снабдувањето со електрична енергија. Во несреќата загинаа најмалку шест лица, а околу 200.000 луѓе беа евакуирани додека властите се борат со последиците од невремето.
Најмалку шест лица загинаа, а снабдувањето со електрична енергија во неколку области долж источниот брег на Индија и денес е во прекин – еден ден откако циклонот „Арнаб“ го зафати регионот, носејќи обилни дождови и силни ветрови – соопштија официјални лица.
Весникот Times of India, повикувајќи се на локални претставници, извести за девет смртни случаи предизвикани од струен удар, уривање на куќи и паѓање на дрвја. Претставник на владата на сојузната држава Андра Прадеш изјави дека официјалниот број на загинати изнесува шест.
Циклонот „Арнаб“ – кој Индискиот метеоролошки завод го класифицираше како „многу силна циклонска бура“, што е трета највисока категорија – вчера рано наутро стигна до копното во Андра Прадеш. Циклонот оштетил најмалку 15.000 столбови за електрична енергија, изјави главниот министер на Андра Прадеш, Нара Чандрабабу Наиду, во соопштение за јавноста.
🌪️🚨 CYCLONE ARNAB: POWERFUL WINDS BATTER ANDHRA PRADESH, TN, ODISHA.
Cyclone Arnab has made landfall along the Andhra Pradesh coast, unleashing destructive winds and torrential rainfall. Gusts of up to 150 km/h have been reported, with coastal districts facing severe weather, rough seas, flooding and widespread damage.
⚠️ The danger is far from over. Heavy rain, fallen trees, damaged power lines and waterlogging remain serious concerns as the storm moves inland.
🙏 Stay indoors, keep away from windows and electrical wires, and follow official IMD and disaster management advisories.
Stay alert. Stay safe. Lives matter more than anything.
#CycloneArnab #AndhraPradesh #CycloneAlert #WeatherUpdate
— @VijayBharat (@shikhar711) October 28, 2026
Брод насукан на брегот, евакуирани речиси 200.000 луѓе, откажани услуги…
Снабдувањето со електрична енергија е обновено во повеќето окрузи, со исклучок на Конасима и Западен Годавари, се наведува во соопштението. Товарен брод што плови под знамето на Маршалските Острови, со 20-член екипаж, се насука во близина на брегот на Андра Прадеш; надлежните изјавија дека бродот денес не може да го продолжи патувањето поради немирното море.
Повеќе од 180.000 луѓе беа евакуирани од сојузните држави Андра Прадеш и Одиша пред пристигнувањето на циклонот. Некои училишта беа затворени, а одредени железнички и авионски линии беа откажани. „Арнаб“ се формираше над Бенгалскиот Залив, каде што често настануваат тропски циклони кои предизвикуваат смртоносни бури на источниот брег на Индија.
