Во турското гратче Алаџа, во покраината Чорум, оваа недела била отворена продавница за еротска долна облека и тоа со церемонија каква што ретко се гледа пред вакви продавници: собраните најпрво заеднички изговориле молитва.
На снимката што ја објави локалниот портал „alacahaber.com“ се гледа како десетици мажи, меѓу кои и постар човек со бела капа, со кренати раце изговараат молитва пред излогот украсен со црвени и црни балони.
Потоа, лентата ја пресекол градоначалникот на Алаџа, Шериф Арслан. На отворањето, како што пренесуваат турските медиуми, присуствувале и претставници на владејачката Партија на правдата и развојот (АКП) и нејзиниот коалициски партнер, Партијата на националистичкото движење (МХП).
Снимката брзо се прошири на социјалните мрежи, а корисниците главно биле изненадени од спојот на молитвата и асортиманот на продавницата. Конзервативниот весник „Јени Акит“ објавил текст со наслов: „Што барале тие градоначалници и тој имам таму?“.
Çorum’da fantezi iç giyim mağazası dualarla açıldı.
Alaca’daki mağaza açılışında kurdeleyi Alaca Belediye Başkanı kesti.
Açılış programına Alaca Belediye Başkanı Şerif Arslan, AK Parti Alaca İlçe Başkanı Mücahit Gürsoy, MHP Alaca İlçe Başkanı İsa Duru, Belediye Başkan Yardımcısı Oktay Yelkuvan, Esnaflar ve Sanatkârlar Odası Başkanı Murat Odabaş, Kızılay Alaca Şube Başkanı Akif Yurt, Esnaf ve Sanatkârlar Kredi ve Kefalet Koparatifi Başkanı Bursalı Demir, Yılmaz ailesi ve çok sayıda vatandaş katıldı.
— Aykırı (@aykiri) October 20, 2026
Градоначалникот Арслан одговорил на критиките во изјава за „Одатв“, како што пренесува порталот „Хаберџим19“.
„Не отворивме нелегален објект. Не ни влеговме внатре. Зарем сите не носат ваква долна облека? Луѓето измислуваат, зборуваат дека е ’еротска‘ и слично“, изјавил Арслан.
Тој додал дека на отворањето ги поканиле локалните трговци, а за молитвата рекол дека „оџата малку претерал“. Како што објаснил, молитвата ја изговорил пензиониран имам.
Турскиот весник „Јеничаг“ истакнува дека сето ова се случило во период кога во Турција уметници се соочуваат со прогон поради „непристојност“: пејачот Џем Адријан поради стиховите на своите песни, а групата „Манифест“ поради начинот на облекување.
