Славната актерка Никол Кидман ја следела ревијата на „Victoria’s Secret“ во Лос Анџелес, од првиот ред. Со својот стајлинг ги освои модните критичари, а нејзините реакции за време на модно-музичкиот спектакл го привлекоа вниманието на јавноста, особено на социјалните мрежи. Оваа холивудска ѕвезда често со своите гримаси го привлекува вниманието, а овој пат многумина застанаа на нејзина страна.
Ѕвездата на филмот „Babygirl“, Никол Кидман, се појави на ревијата на „Victoria’s Secret“ во интересна комбинација од едноставна бела кошула со вратоврска и здолниште украсено со детали што потсетуваат на подвезици. Одела на високи потпетици, а чантата на „Chanel“ била одличен избор на моден додаток. Седела покрај Ванеса Брајант, чија ќерка Наталија Брајант првпат учествуваше на модната ревија на познатиот бренд.
Доаѓањето на Никол Кидман беше спектакл само по себе, а актерката сигурно ќе ја памети овогодишната ревија и по еден посебен музички момент, покрај бројните детали прикажани на модната писта.
На ревијата, покрај бројните хитови, се слушнала и песната „Nicole Kidman“, која ја изведува словачката пејачка Адела. Кога се слушнале познатите тактови, актерката не го криела воодушевувањето.
Оваа песна беше објавена во септември 2026 година како четврти сингл од дебитантскиот албум на споменатата пејачка, „Prima“.
Текстот на песната, како што кажува и самиот наслов, е инспириран од славната актерка. Адела ја добила идејата по забава на која носела многу тесен корсет, поради што се чувствувала гламурозно и моќно, велејќи: „Се чувствувам како Никол“. Рефренот на песната ги содржи препознатливите стихови „Babygirl in control, I feel like Nicole“.
Песната стана глобален хит на социјалните мрежи и музичките платформи, достигнувајќи го второто место на глобалната листа на „Spotify“ и третото место на листата „Billboard Global 200“.
Кога првпат ја слушнала песната, Никол ја поддржала, а потоа снимила видео во Париз на кое пее и го поддржува овој хит.
Меѓутоа, Никол имала сосема поинаква реакција кога на ревијата настапила канадската пејачка Тејт Мекреј, која приреди вистински перформанс во црвена, провокативна долна облека. Изразот на лицето на актерката открил дека не била воодушевена од она што го видела, па дури и дека негодувала поради провокативниот танц.
„И јас реагирав исто“; „Никол е во право. Ние, како жени, не мора да се претставуваме себеси како сексуални објекти“; „Изразот на лицето е соодветен“ – гласат коментарите на Инстаграм. Некои велат дека актерката постапила единствено исправно, а други сметаат дека всушност сите во публиката го мислеле истото додека траел настапот.
Слични реакции ја следат и самата ревија. Едни истакнуваат дека станувало збор за промовирање на сексуализацијата на жената, додека други не гледаат такви спорни детали на модното шоу чија историја е исполнета со контроверзии.
Тука е и донекаде екстремната реакција од Инстаграм: „Тоа е стриптиз, зарем Никол Кидман не знаеше?“. Колку и да е контроверзна, ревијата не може така да се окарактеризира, но по настанот е јасно дека скандалите уште долго ќе го следат брендот „Victoria’s Secret“.
