Том Велинг (49) престојувал во Њујорк по повод 25-годишнината од серијата „Smallville“ и посакал со своите 2,3 милиони следбеници да го сподели погледот од хотелската соба. Ја фотографирал панорамата на градот, ја објавил на Инстаграм и ја додал пораката: „Здраво, Њујорк“. На прв поглед, сосема безопасна објава.

Сепак, пропуштил еден детаљ: во стаклото на прозорецот не се гледале само облакодерите, туку и тој самиот – целосно гол. Следбениците не го пропуштиле тоа, па скриншотови веќе наголемо почнале да кружат на интернет кога актерот ја избришал фотографијата.

Фотографијата останала на интернет десет часа

Објавата била достапна цели десет часа пред Велинг да ја избрише. Дотогаш истата веќе наголемо се проширила на интернет.

Следбениците главно реагирале со духовити коментари на пропустот на Том. „Само биди повнимателен со камерата, пријателе“, напишал еден корисник.

Колега го „поткачил“ со духовита објава

Приликата за шега не ја пропуштил ниту Мајкл Розенбаум (54), некогашниот Лекс Лутор од серијата „Smallville“. Застанал покрај прозорецот, направил селфи и го објавил со пораката: „Само внимавам на мојот другар Том Велинг“.

Велинг набргу ја споделил објавата на колегата на својот профил и покажал дека знае да се пошегува и на сопствена сметка. Следниот пат, пред да објави панорама од градот, веројатно повнимателно ќе го погледне својот одраз во стаклото.

Јубилеј на култната серија

Том Велинг пристигнал во Њујорк по повод претстојната прослава на 25-годишнината од серијата „Smallville“, која повторно го обединила со поранешните колеги. Од 2001 до 2011 година го толкувал младиот Кларк Кент во 218 епизоди, следејќи го неговиот пат пред да стане Супермен.