Во текстот се обвинува сегашната власт за корупција и злоупотреби на полицијата, особено во контекст на случајот со Ива Михаилова, додека СДСМ бара оставка на министерот Панче Тошковски и одговорност за довербата во границата и полицијата.
„Сè се работи под маса. Договори што само тие во Владата ги знаат. Свечен дочек со црвен тепих и камери на граница за повратници. Пуштање од затвор. Куќен притвор, ослободување. Пет тони дрога којашто поминаа преку граница. Нарко дилер Цуната кој бега од прозор од полициска станица во Кочани. Истата банда. Министер од ВМРО-ОКГ“, велат од СДСМ.
„За случајот со Ива Михаилова, Тимчо Муцунски рече: судската постапка е работа на судството. Извршната власт не се меша. Здравствениот систем во Македонија може да обезбеди нега. Македонија е подготвена да прими бугарски лекари за консултација, како гест на добра волја, не како обврска.
Сега гледаме дека се пушта преку граница. Иако судот ѝ ги одзеде двата документи, македонски и бугарски пасош. Таа вели легално, со лична карта, граничарите знаеле. МВР вели нема евидентиран излез.
Бугарската гранична полиција вели нема евидентиран влез. Како? Повеќе пати СДСМ бараше смена на сегашниот министер за полиција.
Човек што го ослободува обезбедувањето на Мицкоски што тепа жени. Се пуштаат масовни убијци, дилери од полициска стануца. Не се реагира на пријава за насилство во семејство што доведе до самоубиство на дете и мајка.
Министерот рече дека има систем, веројатно “Пегазус” и дека снима разговори на граѓани.
Има снимање на граѓани преку Safe City, систем пуштен без контролен закон што би ги спречил злоупотребите. До денес нема одговор како пет тони поминаа граница.
Еве денес прашање: како излегла Михаилова од земјата ако ѝ се одземени двата пасоши? И бугарскиот и македонскиот? Панче само да не каже дека правел хиперхлорирање па не можел да се занимава со пограничната работа на полицијата што е во неговиот сектор.
Границата не е решето само за дрога и за бегалци од правда. Со Мицкоски, Тошковски и ВМРО границата е решето и кога судот ќе забрани. СДСМ повторно бара да се утврди како се случило и да се понесе одговорност. Бараме оставка, Тошковски да понесе одговорност.
Доста се злоупотреби на полицијата“, се наведува во соопштението на СДСМ.
