Ентони Гордон од оваа сезона го гледаме во нова средина и друга држава или поточно Англија и Њукасл ги замени со Шпанија и Барселона.
Во летниот преоден рок доби шанса да се пресели на „Камп Ноу“, повик кој го прифати и сега е дел од сосема нова средина, филозифија, стил на играња, а секако тука се и целите, амбиците кои во Барселона секогаш се на највисоко ниво.
Гордон се уште го чека првиот гол во шпанскиот великан, но има супер почеток, прави разлика на теренот, одлично се разбира со играчите и потврда за тоа се петте асистенции во седумте натпревари, Офанзивецот ужива во оваа етапа од кариерата, па воден од тоа испрати критики до јавноста и луѓето кои ги пратат случувањата во Премиер лигата и англискиот фудбал.
-Мислам дека станав поинаков играч во очите на многу луѓе, бидејќи во Англија секогаш чувствував дека ме почитуваат затоа што сум брз и правам пресинг, но тие никогаш навистина не го почитуваа квалитетот и интелигенцијата со кои играм. Само играчите со кои играв изгледа го сфатија тоа.
-Не бев доволно почитуван во Англија. Луѓето ме гледаат како некој што е многу брз и многу агресивен, додека во Шпанија навистина ја ценат мојата интелигенција и мојот квалитет.
-Во Барселона, ако не си вешт или интелигентен, веднаш ќе се истакнеш како болен палец. Играв за Њукасл, кој беше тим со многу високо темпо, па трчањето и агресијата секогаш беа на виделина. Сега играм во сосема поинаков стил каде што можат да се видат и моите други квалитет. Чувствував дека имам повеќе да понудам отколку што луѓето мислеа дека имам и сакав да го докажам тоа на најголемата светска сцена. Одењето во странство беше многу важно за мене, -заклучи офанзивецот.
