Мбапе посочи кои три легенди би ги вратил во Реал Мадрид: Тоа се луѓе кои будат возбуда кај мадридистите

Французинот остана ударна игла во нападот на Реал Мадрид и многу работи зависат од него, а како ѕвезда која е задоволна од квалитетот на играчи кои го опкружуваат, сега доби едно интересно прашање во интервјуто за угледниот „АС“.

Извонредниот напаѓач доби за задача да избере едно име кое би било големо засилување за Реал Мадрид, но наместо да бира од актуелните големи фудбалски ѕвезди, тој се наврати на минатото.

Мбапе порача дека би вратил играчи кои испишаа историја во Реал Мадрид, односно легенди кои и ден денеска будат возбуда меѓу мадридистите.

– Ако бидам искрен, би ги вратил Кристијано, Зидан и Роналдо Назарио. Квалитетот никогаш не исчезнува, па затоа би ги бирал нив тројца. Тоа се луѓе кои и ден денеска будат возбуда меѓу мадридистите, – порача Мбапе.