Рома не успеа да го освои целиот плен незгодното гостување кај Фенербахче во Истанбул, но тренерот Џан Пјеро Гасперини беше среќен поради ремито и бодот на кој гледа како основа за понатамошните средби во Лигата на шампионите.
„Волчицата“ поведе преку Кристанте во првиот дел, додека Браун стрелаше за домаќините во вторите 45 минути.
- Беше добар настап, но не беше лесно во оваа атмосфера и против тим кој, и покрај тоа што беше на домашен терен, се држеше цврсто во одбраната и се обидуваше да оди во контранапад со своите брзи напаѓачи. Мислам дека игравме многу добро. На крајот на краиштата, бод може да биде важен за табелата. Ни требаат и нерешени резултати за да ги постигнеме нашите цели, - истакна стратегот.
Инаку Рома на втор меч во низа прими гол на стартот на второто полувреме, нешто што може да е потенцијален проблем.
- Кога ќе се случи двапати, тоа е индикација. Не е сè објаснето во фудбалот, понекогаш е случајност, но од следниот натпревар мора да бидеме пофокусирани, - заклучи Гасперини.
