Во наредните денови се очекува локално невреме со пороен дожд, грмежи и засилен ветер, поради нестабилни атмосферски услови и голема енергија во атмосферата. Слични услови ќе има и во Скопје, каде ќе се менуваат сончеви периоди со нестабилно време.
Во среда и четврток претпладне времето ќе биде сончево и топло со мала до умерена локална облачност. Попладне наместа ќе биде нестабилно со пороен дожд, грмежи и засилен ветер.
Заради големата енергија во атмосферата локално процесите ќе бидат во форма на невреме со интензивен пороен дожд, силен ветер и појава на град. До крајот на оваа седмица наместа ќе има услови за локална нестабилност, проследена со пороен дожд, грмежи и засилен ветер.
Во Скопје, ќе биде сончево и топло со мала до умерена облачност. Во делови од котлината ќе има услови за нестабилност со пороен дожд, грмежи и засилен ветер.
