Варди се врати на островот со потпис за поранешен премиерлигаш

Брзоногиот напаѓач во минатата кампања настапуваше во Италија за Кремонезе каде на 29 средби даде 7 гола и забележа 3 асистенции. Сега одново ќе го гледаме во Англија и тоа во доскорешниот премиерлигаш Барнли кој по пет кола е на последното место во Чемпионшип лигата.

-Навистина сум среќен што ќе бидам тука во Барнли. Овој клуб има вистинска фудбалска историја и страсни навивачи кои заслужуваат тим што ги претставува нив и нивниот град. Едвај чекам да излезам на теренот и да му помогнам на тимот да се движи во вистинската насока, -порача Варди кој доби договор до крајот на тековнава сезона.

Џејми најзначајниот дел од фудбалската кариера го мина во Лестер, тим со кој испиша историја и ја освои Премиер лигата.