Станува збор за доставно комбе од 2021 година, кое на пазарот на половни возила може да се најде за околу 8.000 евра. Особено интересно е што португалскиот репрезентативец, според истиот извор, во ПСЖ заработува околу 175.000 евра неделно. Истиот износ го наведува и „Capology“, неофицијален извор за платите на фудбалерите, што значи дека една сезона фиксно му носи околу девет милиони евра, а со бонусите заработката достигнува и до десет милиони евра.

Снимката од неговото пристигнување брзо се прошири на социјалните мрежи. Невеш застана кај навивачите собрани пред тренинг-центарот на ПСЖ, подели автограми, а потоа го продолжи патот со комбето. Снимката ја пренесоа и француските медиуми, а неговиот избор на автомобил предизвика бројни позитивни реакции меѓу навивачите.

За Невеш

Невеш пристигна во ПСЖ од Бенфика во летото 2024 година. Парижаните за тогаш 19-годишниот играч од средниот ред платија околу 60 милиони евра, а тој многу брзо стана еден од клучните фудбалери во тимот на тренерот Луис Енрике. Стандарден е и во португалската репрезентација, а во средниот ред на ПСЖ особено се истакна во соработката со својот сонародник Витиња.

Невеш и претходно бил забележан во луксузни автомобили, поради што не е јасно дали „Peugeot“ е автомобил што редовно го користи или со него се појавил само во оваа прилика. Португалските медиуми наведуваат дека комбето имало португалски регистарски таблички.