Во новото интервју за магазинот „People“, актерката зборувала за нејзините здравствени проблеми и открила дека морала да направи две операции за отстранување на тумор на мозокот.

„Благодарна сум што сум жива“, рекла актерката и изминатиот период го опишала како „најчудните шест месеци во мојот живот“.

Бизи дознала во февруари дека има олигодендроглиом од втор степен, редок бавно растечки тумор, откако направила магнетна резонанца на целото тело како дел од прегледот Пренуво.

„Не знаев зошто сакав да го направам тој преглед, освен што едноставно требаше да го направам“, рекла актерката, која во тоа време немала никакви симптоми.

Таа ги следела своите инстинкти и првично го закажа прегледот за јануари, но поради снежната бура што го погоди Њујорк, каде што живее, морала да го одложи за неколку недели.

По шокантната дијагноза, таа имала две прашања за неврохирургот

Бизи Филипс имала две прашања за својот неврохирург откако во февруари оваа година ја добила шокантната вест дека мора да се подложи на операција за тумор на мозокот.

Прво: Колку брзо би можела да се врати на работа по закрепнувањето? И второ: дали докторот би можел да направи подигнување на челото додека го отстранува туморот од нејзиниот фронтален лобус?

Нејзиното барање за козметичка операција, поставено од шега, било учтиво одбиено од неврохирургот д-р Џон Голфинос од болницата „Лангон“ на Универзитетот Њујорк.

„Се насмеа и ми рече не“, се присетила 47-годишната Филипс.

„Јас реков: „Треба да почнеш да размислуваш и за нудење на таа услуга.“

Нејзиното чувство за хумор ѝ помогнало да се справи со здравствената криза, за која сега за првпат јавно зборува.

Во интервју за списанието „People“, Филипс, која е позната по тоа што може да зборува за својот живот на интересен и директен начин, се присетила на застрашувачкиот и хаотичен период во кој ѝ бил отстранет малиген тумор на мозокот, само неколку недели пред да започне снимањето на новата серија на CBS „Купертино“.

Моментот кога им кажа на своите ќерки

Актерката зборуваше и за болниот момент кога морала да им каже на своите ќерки Берди (18) и Крикет (13) низ што поминува, како и за поддршката од блиските пријатели, вклучувајќи ја и нејзината поранешна колешка од серијата „Досонс Крик“, Мишел Вилијамс, која ѝ помогнала за време на комплицираното закрепнување.

„Благодарна сум што сум жива“, нагласила Филипс.

Целата ситуација била необична, но на крајот се покажала како еден вид среќна околност. 

Филипс се заинтересирала за прегледот, или магнетната резонанца на целото тело, кој може да открие повеќе од 500 различни здравствени состојби, откако прочитала за него на Инстаграм.

Уште во 2025 година, кога го прашала својот матичен лекар дали треба да го направи снимањето, тој ѝ рекол дека „нема потреба“ за тоа, бидејќи е млада и здрава, а резултатите од крвта од редовниот годишен преглед биле нормални.

Затоа таа ја разговарала идејата со сопругот на нејзината братучетка, интернистот од Беверли Хилс, д-р Џастин Донлан, кој ѝ рекол дека кога станува збор за здравјето, „знаењето е моќ“.

„Она што го кажа навистина ми остана во сеќавање“, се присетила Филипс.