Тифозите на Рома со голема еуфорија го пречекаа рекордното засилување

Гасперини е познат како тренер кој сака брзи крилни фудбалери во својот тим, а тоа дефинитивно ќе го добие во суперталентираниот Родриго Мора кој се претвора и во најскапо засилување во историјата на клубот.

Интересната зделка склучена со Порто вклучува фиксни 25 милиони евра за кои Рома ќе добие 50 проценти од правата на фудбалерот, но по крајот на сезоната, римскиот клуб ќе има опција за уште 25 милиони евра да се стекне со сите права на крилото.

Вкупната сума од 50 милиони евра го прави Мора најскапо засилување во историјата на римскиот клуб, а со оглед на тоа што Родриго веќе беше претставен во јавноста како голем суперталент, тифозите побрзаа да го пречекаат на аеродромот.

Младиот Мора има само 19 години и важи за еден од најнадежните фудбалери во Португалија, па за очекување е сиот свој потенцијал да го прикаже во дресот на Рома и во италијанската Серија А.