Сепак, некои можат да се пофалат со тоа дека со Ѓоковиќ не ги поврзува само некоја црта на лицето. Нивната сличност со српскиот ас е толку впечатлива што и самите почнале јавно да ја истакнуваат.

Една од оние кои гордо се фалат со оваа необична сличност е Луси Финк, која на својот ТикТок профил покажа колку нејзиниот сопруг личи на Новак Ѓоковиќ. Иако на прв поглед би можело да се помисли дека станува збор само за добар трик за привлекување внимание и лајкови, веќе по неколку моменти станува јасно дека Луси не претерува.

Имено, нејзиниот сопруг и српскиот тениски ас навистина имаат изненадувачки слични црти на лицето, поради што не е тешко да се разбере зошто одлучила нивната споредба да ја сподели со своите следбеници.

„Луѓето постојано го запираат на улица“

„Луѓето постојано го запираат на улица“, навела Луси во снимката која стана вирална, а привлече толку големо внимание што ја пренела и популарната тениска страница @tennis.legend.

Колку овој маж навистина потсетува на Новак Ѓоковиќ, можеби најдобро покажува реакцијата на неговото бебе кога ќе го здогледа српскиот ас на телевизија.

„Тато, тато!“, викало момчето со сини очи кога го здогледало Ѓоковиќ на екранот за време на еден од неговите натпревари.

„Како браќа близнаци“

„Неверојатно“, „Твојот сопруг буквално е Новак Ѓоковиќ“, „Човече, тие се близнаци“, „Ова е лудило, нереално е колку личат“ – се само некои од коментарите на воодушевените корисници на ТикТок.

„Истото се случуваше и со мојот татко, кој личи на еден познат актер. Додека одев на училиште, сите мислеа дека тој глуми во филмови“, го споделила своето искуство една корисничка.

Многумина во коментари го означувале и Новак Ѓоковиќ, во надеж дека снимката ќе стигне до него и дека ќе открие што мисли за својот неочекуван двојник.

Новак досега не се огласил, па останува непознато како би реагирал на неверојатната сличност со сопругот на Луси, но нема сомнеж дека особено внимание привлекува реакцијата на бебето кое, откако го здогледало на екранот, го помешало со својот татко.